દાડમને સ્વાસ્થ્ય માટે ખૂબ જ ફાયદાકારક માનવામાં આવે છે. દાડમ પોષક તત્વોનો ભંડાર છે. ઔષધીય ગુણોથી ભરપૂર દાડમ અનેક સ્વાસ્થ્ય સમસ્યાઓમાં ફાયદાકારક માનવામાં આવે છે. તમને જણાવી દઈએ કે દાડમમાં ફ્લેવોનોઈડ્સ, ફિનોલિક્સ, વિટામિન C, ફાઈબર, વિટામિન K અને B, આયર્ન, ઝિંક અને ઓમેગા-6 ફેટી એસિડ જેવા ગુણો જોવા મળે છે.
આટલું જ નહીં દાડમમાં ભરપૂર માત્રામાં પોટેશિયમ પણ હોય છે જે ડિલિવરી દરમિયાન થતા દુખાવા અને પ્રી-મેચ્યોર ડિલિવરીના જોખમને ઘટાડવામાં મદદ કરે છે. દાડમમાં આયર્ન હોવાને કારણે તે શરીરમાં થતા એનિમિયાને રોકવામાં પણ મદદ કરી શકે છે. આ સિવાય દાડમને પાચન માટે ખૂબ જ સારું માનવામાં આવે છે.
બાળકોમાં વધશે લોહી
દાડમ બાળકોના સ્વાસ્થ્ય માટે ખૂબ જ ફાયદાકારક સાબિત થાય છે. એક્સપર્ટનું માનીએ તો જો કોઈ વ્યક્તિ 3-4 દિવસ સુધી સતત દાડમનું જ્યુસ પીવે છે તો તેના શરીરમાં ખરાબ કોલેસ્ટ્રોલનું સ્તર ઘટે છે. તેમજ જો કોઈના શરીરમાં હિમોગ્લોબિનની ઉણપ હોય, તો તે પણ દાડમનો જ્યુસ પીવાથી ઘટે છે. દાડમનો જ્યુસ પીવાથી લોહી પણ વધે છે.
તાવથી મળશે રાહત
દાડમમાં ઘણા પોષક તત્વો મળી આવે છે જે તાવથી છુટકારો મેળવવામાં મદદ કરે છે. તેમાં એન્ટીઓક્સીડેન્ટ્સ પણ મળી આવે છે જે તાવમાં ખૂબ મદદરૂપ માનવામાં આવે છે. બાળકોને દાડમનો જ્યુસ અથવા ફ્રટ્સનો જ્યુસ તમે આપી શકો છો. જોકે, જો તમારા બાળકોનું શુગર લેવલ સંતુલિત ન રહેતું હોય તો તેમને દાડમનો જ્યુસ ન આપો.
ઈમ્યૂનિટી બનશે મજબૂત
દાડમમાં ઘણા પ્રકારના વિટામિન્સ મળી આવે છે. મુખ્યત્વે દાડમ વિટામિન-Bનો સારો સ્ત્રોત હોય છે. વિટામિન B મગજની કાર્યક્ષમતાને સુધારવામાં મદદ કરે છે અને તેમના શારીરિક ગ્રોથમાં મદદ કરે છે. આ સિવાય દાડમમાં ફોલેટ પણ હોય છે જે શરીરના નવા કોષો બનાવવામાં મદદ કરે છે. આવી સ્થિતિમાં જો તમે બાળકોને દાડમ ખાવા માટે આપો છો, તો તેમની ઈમ્યુનિટી મજબૂત બને છે અને બીમારીનું જોખમ પણ ઘટે છે.
ઓરલ હેલ્થ રહેશે સારી
આ ગુણો ઓરલ હેલ્થ સુધારવામાં મદદ કરે છે. ખરેખર, બાળકો ખૂબ જ વધુ મીઠાઈઓ અને ચોકલેટ્સ ખાય છે, તેઓ તેમના દાંતની યોગ્ય કાળજી પણ લેતા નથી. આવી પરિસ્થિતિઓમાં બાળકોને વારંવાર દાંતની સમસ્યાઓ થવા લાગે છે. જો તમે બાળકોને મર્યાદિત માત્રામાં દાડમ ખાવા આપશો તો તેનાથી તેમનામાં ઓરલ હેલ્થ સંબંધિત સમસ્યાઓનું જોખમ ઘટી જાય છે.
પાચન રહેશે સ્વસ્થ
શિયાળાની ઋતુમાં બાળકો મોટાભાગે વધારે ખાય લે છે જેના કારણે તેમને પેટમાં દુખાવો અને પાચન સંબંધી સમસ્યાઓ થવા લાગે છે. આવી સ્થિતિમાં તમે બાળકોને દાડમ ખવડાવો. આ તેમના સ્વાસ્થ્ય માટે અત્યંત ફાયદાકારક સાબિત થઈ શકે છે.
કઈ ઉંમરે આપવું બાળકોને દાડમ?
નિષ્ણાતોના મતે, તમે બાળકોને 6 મહિના પછી દાડમ ખવડાવી શકો છો, પરંતુ આ દરમિયાન એ ધ્યાન રાખો કે તેના બીજ બાળકના ગળામાં ફસાઈ ન જાય.