જ્યોતિષશાસ્ત્ર અનુસાર દરેક ગ્રહ જ્યારે તેની ચાલ બદલે છે તો તેનો પ્રભાવ 12 રાશિના લોકો પર પડે છે. રાશિ પરિવર્તનના કારણે કેટલીક વખત શુભ અને અશુભ યોગોનું નિર્માણ પણ થતું હોય છે. જૂન મહિનો ગ્રહ ગોચરની દ્રષ્ટિએ મહત્વનો છે કારણ કે આ મહિનામાં કેટલાક ગ્રહનું રાશિ પરિવર્તન થયું છે અને તેના કારણે કેટલાક દુર્લભ યોગ પણ સર્જાયા છે.
મિથુન રાશિમાં બન્યો લક્ષ્મી નારાયણ યોગ
પંચાંગ અનુસાર 12 જૂને સાંજે શુક્ર ગ્રહએ મિથુન રાશિમાં પ્રવેશ કર્યો હતો. ત્યાર પછી 14 જુને રાત્રે ગ્રહોના રાજકુમાર બુધએ પણ મિથુન રાશિમાં પ્રવેશ કર્યો છે. મિથુન રાશિમાં શુક્ર અને બુધની યુતિથી લક્ષ્મી નારાયણ યોગનું નિર્માણ થયું છે. આ યોગથી ત્રણ રાશિના લોકોને અત્યંત લાભ થવાના છે. આ ત્રણ રાશિ માટે ગોલ્ડન પિરિયડ શરૂ થઈ ગયો છે.
મિથુન રાશિ
લક્ષ્મી નારાયણ યોગ મિથુન રાશિમાં જ સર્જાયો છે. તેથી આ રાશિના લોકો માટે આ સમય અતિ શુભ છે. આવકના નવા સોર્સ બનશે અને આર્થિક સ્થિતિમાં સુધારો થશે. રોકાણ કરવા માટે પણ સમય સારો ભવિષ્યમાં સારા પરિણામ મળી શકે છે પારિવારિક સંબંધ મજબૂત થશે. પરિવાર સાથે યાત્રા પર જવાનું થઈ શકે છે.
સિંહ રાશિ
મિથુન રાશિમાં જે લક્ષ્મી નારાયણ યોગ બન્યો છે તે સિંહ રાશિના લોકોને શુભ સમાચાર આપશે. નોકરી સંબંધિત સમસ્યાઓનો અંત આવશે. આર્થિક સ્થિતિમાં સુધારો જોવા મળશે. વેપારીઓને સારી ડીલ મળી શકે છે. નફામાં વધારો થશે. દાંપત્યજીવનની સમસ્યાઓ દૂર થશે
કન્યા રાશિ
મિથુન રાશિમાં બનેલો લક્ષ્મી નારાયણ યોગ આ રાશિના લોકોને ડબલ ફાયદો કરાવશે. અટકેલા કામ પુરા થવા લાગશે અને કાર્યમાં સફળતા મળશે. નોકરી કરતા લોકોને પ્રમોશન મળી શકે છે અથવા તો સેલેરીમાં વધારો થશે. માનસિક ચિંતામાંથી મુક્તિ મળશે અને મન પ્રસન્ન રહેશે.