ઘણીવાર તમે તમારા વડીલોને એવું કહેતા સાંભળ્યા હશે કે, આંખ ફરવી ઘણા શુભ-અશુભ સંકેત આપે છે. જ્યોતિષ શાસ્ત્રમાં આંખ ફરકવા વિશે વિગતવાર માહિતી આપવામાં આવી છે. વૈદિક જ્યોતિષ અનુસાર, જો કોઇ મહિલાની ડાબી આંખ ફરકે તો તે શુભ હોય છે. તેવામા જો મહિલાની જમણી આંખ ફરકે તો તે અશુભ સંકેત માનવામાં આવે છે.
તેનાથી ઉલ્ટું જો કોઇ પુરુષની ડાબી આંખ ફરકે તો અશુભ માનવામાં આવે છે અને જમણી આંખ ફરકવી શુભ માનવામાં આવે છે. જો તમે ઘરેથી ક્યાંક બહાર જઇ રહ્યાં છો તો તે સમયે તમારી આંખ ફરકવા લાગે તો તેનો અર્થ શું થાય?
ઘરેથી નીકળતી વખતે જમણી આંખનું ફરકવું
ઘરેથી બહાર જતી વખતે જો કોઇ મહિલાની જમણી આંખ ફરકી રહી હોય તો તેને જ્યોતિષ શાસ્ત્રમાં અશુભ માનવામાં આવે છે. તેવામાં પુરુષની જમણી આંખ ફરકવાને શુભ સંકેત રૂપે જોવામાં આવી શકે છે.
વિવાહના સંકેત
આ ઉપરાંત સ્ત્રીની જમણી આંખ ફરકવા પર તે વિવાહ યોગ પણ દર્શાવે છે. પરંતુ તે કેટલાંક મામલે જ સાચુ સાબિત થઇ શકે છે. જો કે પુરુષો માટે આ સંકેત શુભ ફળદાયી માનવામાં આવ્યો છે. જ્યોતિષ શાસ્ત્રમાં તેનો અર્થ કોઇ કાર્યના સફળ થવાનો સંકેત પણ હોઇ શકે છે.
ઘરેથી નીકળતી વખતે ડાબી આંખનું ફરકવું
જો કોઇ સ્ત્રી પોતાના કોઇ કામ માટે ઘરની બહાર જઇ રહી છે અને ઘરેથી જતી વખતે તેની ડાબી આંખ ફરકવા લાગે તો તે કાર્યની સફળતાનો સંકેત હોઇ શકે છે. સ્ત્રી માટે ડાબી આંખનું ફરકવું શુભ માનવામાં આવ્યું છે. તેનો અર્થ એ છે કે કામમાં આવી રહેલી અડચણો દૂર થવાની છે.
કાર્યમાં ઉત્પન્ન થાય છે અડચણો
આ સાથે જ જ્યારે કોઇ પુરુષ ઘરની બહાર કોઇ કામ માટે નીકળે અને તેની ડાબી આંખ ફરકવાનું શરૂ કરી દે તો તે અશુભ કહેવામાં આવે છે. આ કાર્યમાં ઉત્પન્ન અડચણોનો સંકેત માનવામાં આવે છે કે કારણ કે ડાબી આંખ ફરકવી પુરુષો માટે શુભ માનવામાં નથી આવતી. આ અનેક સમસ્યાઓ તરફ ઇશારો કરે છે.