વર્ષ 2024 લીપ યર (Leap Year) છે, એટલે કે આ વર્ષમાં કુલ 366 દિવસ હશે. લીપ યરમાં ફેબ્રુઆરી મહિનામાં 28 દિવસની જગ્યાએ 29 દિવસ હોય છે. લીપ યર દર ચાર વર્ષે આવે છે.
જણાવી દઈએ કે, અંગ્રેજી કેલેન્ડર જેને ગ્રેગોરિયન કેલેન્ડરપણ કહેવામાં આવે છે. આ કેલેન્ડરની ગણના સૂર્ય વર્ષના આધારે કરવામાં આવે છે.
આ કેલેન્ડર પ્રમાણે તેનો પ્રથમ મહિનો જાન્યુઆરી હોય છે.
ગ્રેગોરિયન કેલેન્ડર પ્રમાણે, એક વર્ષમાં 365 દિવસ હોય છે અને દર 4 વર્ષ પછી લીપ યર આવે છે. જેમાં 365ની જગ્યાએ 366 દિવસ હોય છે. જેમાં એક અધિક દિવસ ઉમેરવામાં આવે છે. જેના કારણે દર 4 વર્ષ પછી ફેબ્રુઆરી મહિનો 28 દિવસની જગ્યાએ 29 દિવસનો હોય છે.
લીપ યરનું કારણ
સૂર્ય પૃથ્વીનો રાઉન્ડ લગાવવા માટે 365 દિવસ અને લગભગ 6 કલાકનો સમય લે છે. જેને એક સૂર્ય વર્ષ કહેવામાં આવે છે. જે બાદ એક નવું વર્ષ શરૂ થાય છે. 365 બાદ જે વધારાના 6-6 કલાકનો વધારોનો સમયગાળો જોડાય છે તે 4 વર્ષમાં 24 કલાક થઈ જાય છે. 24 કલાક એટલે કે એક આખો દિવસ. આ પ્રકારે દર ચાર વર્ષની ગણતરીમાં એક દિવસ ઉમેરીને ગણતરીને કંટ્રોલ કરવામાં આવે છે.
ફેબ્રુઆરીમાં જ કેમ જોડવામાં આવે છે વધારાનો દિવસ
ગ્રેગોરિયન કેલેન્ડર પહેલા જૂલિયન કેલેન્ડરનો ઉપયોગ કરવામાં આવતો હતો. જેમાં પણ લીપ યર હતું. જૂલિયન કેલેન્ડરમાં પ્રથમ મહિનો માર્ચ જ્યારે છેલ્લો મહિનો ફેબ્રુઆરી હતો. જૂલિયન કેલેન્ડરમાં લીપ યરના એકસ્ટ્રા દિવસને છેલ્લા મહિના એટલે કે ફેબ્રુઆરીમાં જોડાવામાં આવતો હતો. જ્યારે જૂલિયનની જગ્યાએ ગ્રેગોરિયન કેલેન્ડરનો ઉપયોગ કરવાનું શરૂ થયું તો એકસ્ટ્રા દિવસ ફેબ્રુઆરીમાં જ રહેવા દેવામાં આવ્યો.