છાયા ગ્રહ રાહુને સૌથી શક્તિશાળી ગ્રહોમાંનો એક માનવામાં આવે છે. રાહુ ચોક્કસ સમયગાળા પછી રાશિ બદલી નાખે છે. આ સમયે રાહુ મીન રાશિમાં વિરાજમાન છે અને જલ્દી જ તે શનિના નક્ષત્ર ઉત્તરા ભાદ્રપદમાં પ્રવેશ કરવા જઈ રહ્યો છે.
શનિના નક્ષત્રમાં રાહુના પ્રવેશને કારણે તે દરેક રાશિના લોકોના જીવન પર કોઈને કોઈ રીતે અસર કરશે. રાહુ અને શનિનું મિલન સારું માનવામાં આવતું નથી. પરંતુ શનિ આ સમયે શુભ સ્થિતિમાં છે.
આવી સ્થિતિમાં રાહુ પણ સારું પરિણામ આપશે. ઉત્તરાભાદ્રપદ નક્ષત્રને અદ્ભુત નક્ષત્રોમાંનું એક ગણવામાં આવે છે. આ નક્ષત્ર સફળતા, આધ્યાત્મિકતા, અચાનક આર્થિક લાભ વગેરેનું કારણ માનવામાં આવે છે. રાહુ માટે શનિનું મળવું શુભ નથી. પરંતુ જો શનિ શુભ સ્થિતિમાં હોય તો અમુક રાશિઓ પર ચોક્કસથી હકારાત્મક અસર થશે.
મેષ: રાહુના નક્ષત્ર પરિવર્તનથી આ રાશિના જાતકોને ઘણો ફાયદો થશે. અનેક ક્ષેત્રે સફળતા મળશે. બિઝનેસમાં કંઈક નવું કરવાનું જે લોકો વિચારી રહ્યા છે તેમને ફાયદો થશે. મેષ રાશિના લોકો માટે રાહુનું ઘર પરિવર્તન તમારી કારકિર્દી માટે ફાયદાકારક રહેશે.
મકર: રાહુનું નક્ષત્ર પરિવર્તન આ રાશિના જાતકો માટે ખૂબ જ ભાગ્યશાળી સાબિત થશે. કારકિર્દીને લગતા નિર્ણયો ભવિષ્યમાં સાચા સાબિત થશે. પ્રોપર્ટી અથવા શેર માર્કેટમાં રોકાણ કરવાનું જે વિચારી રહ્યા છે તેના માટે આ સમય ઘણો સારો છે. આ રાશિના જાતકોને બોસ સાથે સારા સંબંધ રાખવાથી સીધો ફાયદો થશે અને સફળતાની પણ શક્યતાઓ છે.
મિથુન: રાહુ તમારા કર્મ ઘરમાં રહેશે. મેનેજમેન્ટ ક્ષમતામાં સુધારો થશે અને નેતૃત્વની ગુણવત્તામાં વધારો થશે. ઓફિસમાં લોકો તમારી વાતો પર ધ્યાન આપશે. નોકરીમાં ટ્રાન્સફર મેળવવાનો પ્રયાસ કરી રહેલા લોકોને ફાયદો થશે. કાર્યસ્થળમાં બોસ સાથે સારા સંબંધો જાળવવા પર ભાર મૂકજો.
સિંહ: રાહુના નક્ષત્ર પરિવર્તનથી આ રાશિના જાતકોને ઘણા ફાયદો થશે, કારકિર્દીમાં અણધાર્યા લાભ થશે. નોકરીમાં પ્રમોશન મળવાની સંભાવના છે, કોઈની સાથે ભાગીદારીમાં નવું કામ કરવાનું જે લોકો વિચારી રહ્યા છે તેમને સારા પરિણામ મળશે. ઘરનું વાતાવરણ સુખ-શાંતિથી ભરેલું રહેશે.
તુલા: રાહુનું નક્ષત્ર પરિવર્તન આ રાશિના જાતકો માટે શુભ ફળ આપનારું માનવામાં આવે છે. વ્યવસાયને આગળ વધારવા માટે લાંબા સમયથી જે લોકો લોન લેવાનું વિચારી રહ્યા છે તેમને સફળતા મળી શકે છે. નવી નોકરીની ઓફર તમારા ખોળામાં આવી શકે છે. સ્વાસ્થ્યનું વિશેષ ધ્યાન રાખવાની જરૂર છે.