લોકો કહે છે કે કળિયુગ આવી ગયું છે, શું તમે ક્યારેય વિચાર્યું છે કે કળિયુગ ક્યારે શરૂ થયો?

આજે આપણે જે કાળમાં જીવી રહ્યા છીએ તેને કળિયુગ કહેવામાં આવી રહ્યો છે. હિન્દી શાસ્ત્રો પ્રમાણે હાલ સુધીમાં 3 યુગ એટલે કે સતયુગ, ત્રેતાયુગ અને દ્વાપયુગનો સમય પસાર થઈ ચૂક્યા છે. અને હાલમાં જે સમય ચાલી રહ્યો છે તે છે કળીયુગ. પુરાણો પ્રમાણે કળિયુગનો સમય પૂર્ણ થતાની સાથે પૃથ્વીનો પણ અંત આવી જશે. જોકે કળીયુગમાં ઘરતી પર બીજા યુગ કરતા વધુ પાપ અને અધર્મ વધશે.

પરંતુ શું તમે જાણો છો કે કળયુગની શરૂઆત ક્યારે થઈ હતી.

કળિયુગ

હિન્દુ શાસ્ત્રો પ્રમાણે કળીયુગમાં અધર્મ અને પાપનો વધારો જોવા મળશે. હાલના સમયમાં આપણે જે ખોટી વસ્તુઓ અથવા તો ઘટનાઓ અને અધર્મ થઈ રહ્યા છે તે આવનારા સમયમાં તેનો વધારો જોવા મળશે. કળીયુગમાં માનવી પોતાના કર્મોના ફળ ભોગવી રહ્યો છે, જેમાં તે બારેમાસ વરસાદ, વંટોળ, તોફાન, જળ તબાહી જેવી સમસ્યાનો સામનો કરવો પડશે. માનવામાં આવે છે કે કળિયુગનો જ્યારે અંત આવશે ત્યારે પૃથ્વીનો પણ અંત આવી જશે. ભગવાન શ્રી કૃષ્ણે ગીતામાં કહ્યું છે કે, ધરતી પર 4 યુગ છે. જેમાં સતયુગ, ત્રેતાયુગ, દ્વાપરયુગ અને કળીયુગ છે. ગીતા પ્રમાણે સતયુગમાં ધરતી પર ધર્મનો વર્ચસ્વ હતું. તો ત્રેતાયુગમાં ધર્મની સાથે સાથે અધર્મ પણ આવ્યું. આ ઉપરાંત દ્વાપરયુગમાં અધર્મ અને પાપે ધરતી પર પોતાની જગ્યા બનાવી લીધી હતી. અને હાલમાં કળીયુગમાં ધરતી પર ધર્મથી વધુ પાપ જોવા મળી રહ્યા છે. ગીતામાં કહ્યું છે કે, જ્યારે જ્યારે ધરતી પર પાપ વધશે ત્યારે ભગવાન શ્રી કૃષ્ણ કલ્યાણ કરવા માટે ઘરતી પર અવતાર ધારણ કરીને આવશે.

કળિયુગના કેટલા વર્ષ

ગીતામાં કહેવામાં આવ્યું છે કે 4 લાખ 32 હજાર વર્ષનો હશે કળિયુગનો સમય. જ્યારે હાલમાં કળીયુગના માત્ર 5122 વર્ષ જ થયા છે. કળીયુગના આટલા ઓછા વર્ષ થયા છે ત્યારે જે પ્રમાણે અધર્મ અને પાપ થઈ રહ્યા છે તે જોઈને એવું લાગે કે કળિયુગ હવે ચરમસીમા પર પહોંચી ગયો છે. પરંતુ જ્યારે કળિયુગનો સમય આવશે ત્યારે પૃથ્વી પર એસિડ વરસાદ થશે, જેના કારણે વૃક્ષો, છોડ અને પ્રાણીઓનો નાશ થશે અને માણસો પોતાની ભૂખ સંતોષવા એકબીજાને મારીને ખાશે. કળિયુગમાં પૈસાનું મહત્વ વધશે અને ધરતી પરથી ધર્મ, દયા અને માનવતા સંપૂર્ણપણે નાશ થઈ જશે. જ્યારે પારિવારિક સંબંધો માત્ર નામના જ રહેશે. આ સમય દરમિયાન વેદોનું ખોટું અર્થઘટન કરવામાં આવશે. આ સમયગાળા દરમિયાન, બાળકો તેમના માતા પિતાની સેવા નહીં કરે. કલયુગ જેમ જેમ આગળ વધશે તેમ તેમ ભૂખમરો, રોગો, ગરમી, ઠંડી, તોફાન અને હિમવર્ષા, પૂર જેવી સમસ્યા પૃથ્વી પર ચરમસીમા પર હશે અને આખરે વિશ્વનો અંત આવશે.

કળિયુગે કેટલો સમય વીતાવ્યો

હિંદુ પુરાણો પ્રમાણે કળિયુગની શરૂઆત થયાને માત્ર થોડા હજાર વર્ષોમાં જ આવા હાલ થયા છે, જ્યારે આ યુગ 432,000 માનવ વર્ષોનો છે. આધુનિક ગણતરીઓ અનુસાર, કળિયુગ 3102 BCથી શરૂ થયો હતો, જ્યારે પાંચ ગ્રહો મંગળ, બુધ, શુક્ર, ગુરુ અને શનિ મેષ રાશિ પર 0 ડિગ્રી પર હતા. વિદ્વાનોનું માનવું છે કે અત્યાર સુધીમાં કળિયુગના 3102+2024=5126 વર્ષ વીતી ગયા છે. હાલમાં માત્ર કળિયુગનો પ્રથમ અધ્યાય ચાલી રહ્યો છે.