સરકારી નોકરીઓનો ઘણા કારણોસર મહિલા ઉમેદવારોની વચ્ચે ઘણો ક્રેઝ છે. મહિલાઓમાં સરકારી નોકરીનો ક્રેઝ એટલા માટે છે કારણ કે અહીં લોકોને દરેક રીતે સુવિધા મળે છે. મોટાભાગની સરકારી નોકરીઓમાં કામના કલાકો, રજાઓની નીતિઓ અને કોઈપણ ખાનગી નોકરી કરતાં વધુ રજાઓ હોય છે. આ બધું જ એક સારા વર્ક લાઈફ બેલેન્સને જાળવી રાખવામાં મદદ કરે છે.
સરકારી નોકરીઓમાં મળતો મેટરનિટી બેનિફિટ્સ કોઈપણ ખાનગી નોકરી કરતાં વધુ સારો માનવામાં આવે છે. સાતમા પગાર પંચ પછી સરકારી નોકરીઓનો પગાર ખાનગી નોકરીઓ જેટલો થઈ ગયો છે. અહીં મહિલાઓ માટે વિકાસની સમાન તકો છે. ભારતમાં મહિલાઓ માટે શ્રેષ્ઠ સરકારી નોકરીઓ કઈ છે, અહીં અમે તમને વિગતવાર જણાવવા જઈ રહ્યા છીએ.
બેંકની નોકરી
મહિલાઓમાં બેંકની નોકરી સૌથી વધુ પસંદ કરવામાં આવે છે. તે એક સારો પગાર, રજાઓના લાભો, નિશ્ચિત કામના કલાકો અને ઘણું બધું પ્રદાન કરે છે. આ ઉપરાંત સરકાર દ્વારા લાગુ કરાયેલી ટ્રાન્સફર પોલિસીની સાથે એક મહિલા માટે જ્યારે પણ જરૂર હોય, ત્યારે તેમના પરિવારની પાસે ટ્રાન્સફર કરવાનું સરળ બની જાય છે. આ સિવાય તેમાં સ્ટેબિલિટી અને સિક્યોરિટી છે, જેની તુલના કરી શકાતી નથી.
રેલવેમાં નોકરી
કેન્દ્ર સરકાર દ્વારા સંચાલિત ભારતીય રેલવેમાં મહિલાઓ માટે ઘણી તકો છે. રેલવેની નોકરીમાં સારા પગારની સાથે જ આવાસ, મુસાફરી પાસ, સસ્તી સ્વાસ્થ્ય સેવા, નિવૃત્તિના લાભો અને બીજુ ઘણું બધું મળે છે. બેંકની નોકરીઓ સિવાય રેલવેમાં પરિસ્થિતિના આધારે ટ્રાન્સફરની સુવિધા પણ ઉપલબ્ધ છે. મેટરનિટી લીવની સાથે-સાથે ભારતીય રેલવે 2 વર્ષ સુધીની રજા પણ આપે છે, પરંતુ આ માટે અરજી કરવી પડશે. રેલ્વે ભરતી બોર્ડ (RRB) રેલ્વેમાં ઘણી બધી જગ્યાઓ પર ભરતી કરે છે જે મહિલાઓ માટે યોગ્ય છે.
શિક્ષિકાની નોકરી
શિક્ષિકાની નોકરીને હંમેશા મહિલાઓ માટે સૌથી સારી નોકરીઓમાંની એક માનવામાં આવે છે. કેન્દ્ર સરકાર દર વર્ષે સરકારી સ્કૂલો અને કોલેજોમાં ઉમેદવારોના મૂલ્યાંકન અને રોજગાર માટે TET પરીક્ષાનું આયોજન કરે છે. કેટલાક રાજ્યો તેના માટે રાજ્ય સ્તરની પરીક્ષાઓનું પણ આયોજન કરે છે. શિક્ષણ કાર્યનો એક મોટો ફાયદો એ છે કે આમાં વેકેશન મળે છે જ્યારે તેઓ પોતાના પરિવારની સાથે સમય પસાર કરી શકે છે. માતાઓ માટે ખાસ કરીને આ જોબ પ્રોફાઇલ એક ફાયદો છે.
SSC જોબ
સ્ટાફ સિલેક્શન કમિશન (SSC) આવકવેરા, CBI, કસ્ટમ ડ્યુટી, એક્સાઈઝ ડ્યુટી સહિતના વિભાગોમાં કેન્દ્ર સરકારની હેઠળ વિવિધ પોસ્ટ માટે દર વર્ષે એક સંયુક્ત ગ્રેજ્યુએટ લેવલ (CGL) પરીક્ષાનું આયોજન કરે છે. આ નોકરીઓનો મુખ્ય ફાયદો એ છે કે તેના દ્વારા આપવામાં આવતા કામમાં સ્થિરતા હોય છે. SSC CHSL ધોરણ 12 પાસ મહિલાઓ માટે સૌથી સારી નોકરી માનવામાં આવે છે.
UPSC નોકરીઓ
યુપીએસસી હેઠળ મહિલાઓ માટે વિવિધ પોસ્ટ ઉપલબ્ધ છે. સારા પગારની સાથે-સાથે આ નોકરીઓ અન્ય સરકારી નોકરીના લાભો પણ આપે છે. આ ઉપરાંત, UPSC હેઠળ IAS, IFS અને IPS જેવી વિવિધ સિવિલ સર્વિસની નોકરીઓ સૌથી બેસ્ટ માનવામાં આવે છે, તેમાં પ્રતિષ્ઠાની સાથે પગાર પણ ઊંચો મળે છે.