કાચી કેરીનું અથાણું જોઈને મોઢામાં પાણી આવી જશે. જમવામાં કાચી કેરીનું ખાટું અથાણું આવે એટલે હંમેશા વધારે ખવાઈ જાય છે. વળી ભોજનના સ્વાદમાં પણ અનેક ગણો વધારો થાય છે. આજે ગુજરાતી જાગરણ તમને કેરીનું ખાટું અથાણું સરળ રીતે કેવી રીતે બનાવવું તેની રેસિપી જણાવશે.
કેરીનું ખાટું અથાણું બનાવવાની સામગ્રી
- 500 ગ્રામ કાચી કેરી
- હળદર
- મીઠું
- મેથીના કુરિયા
- રાઈના કુરિયા
- હીંગ
- તેલ
- લાલ મરચું પાવડર
કેરીનું ખાટું અથાણું બનાવવાની રીત
- અથાણાની કાચી કેરીના નાના ટૂકડા કરી લો. હવે આ કેરીને એક તપેલીમાં લઈ લો.
- તેમા બે ચમચી હળદર અને અઢી ચમચી મીઠું ઉમેરો. બરાબર મિક્સ કરો.
- 24 કલાક આ કેરીને સાઈડમાં મૂકી દો.
- પછી હળદર-મીઠાના આ પાણીમાંથી કાચી કેરી બહાર કાઢી લો.
- કોટનના કપડામાં આ કાચી કેરીના ટૂકડાને પાથરી દો અને 6 કલાક ફેન નીચે ચુકાવા દો.
- હવે એક તપેલીમાં એક કપ મેથીના કુરિયા અને અડધો કપ રાઈના કુરિયા, બે ચમચી હીંગ લો.
- હવે વધારિયામાં એક તેલ ગરમ કરો. ધુમાડો નિકળે ત્યાં સુધી ગરમ કરો.
પછી તેને આ કુરિયામાં ઉમેરો. - પછી થોડુવાર ઠંડુ થવા દો. થોડું જ ગરમ હોય પછી તેમા એક કપ લાલ મરચુ પાડવર, થોડી હળદર, મીઠું ઉમેરી મિક્સ કરો.
- હવે આ એકદમ ઠુંડ થઈ જાય પછી સુકાઈ ગયેલા કાચી કેરીના ટૂકડાને આ મસાલામાં ઉમેરી દો. પછી મીક્સ કરી દો.
- પછી કાચની બોટલમાં આ અથાણાને ભરી દો. પછી બે દિવસ સાઈડમાં મૂકી દો.
- બે દિવસ પછી અડધો કપ તેલ ગરમ કરી અને ઠંડુ થાય પછી આ અથાણા પર રેડી દો. તો તૈયાર છે તમારું કેરીનું ખાટું અથાણું.