જગન્નાથ પુરી મંદિરમાં નવા વર્ષમાં દર્શન કરવા જવા માંગતા ભક્તો હવે મંદિરમાં શોર્ટ્સ, સ્કર્ટ અને સ્ટાઇલિશ જીન્સ પહેરી શકશે નહીં. આ નિર્ણય મંદિર પ્રશાસન દ્વારા લેવામાં આવ્યો છે. મંદિર પ્રશાસન તરફથી કડક સૂચના છે કે આવા વસ્ત્રો પહેરીને દર્શન માટે આવનાર ભક્તોને ગર્ભગૃહમાં પ્રવેશ આપવામાં આવશે નહીં. તમને જણાવી દઈએ કે આ નિર્ણય નવા વર્ષના પહેલા દિવસે જ લેવામાં આવ્યો છે.
જગન્નાથ મંદિરની મુલાકાત માટે આ ખાસ ગાઇડલાઇન્સ છે. ત્યારે આજે આ લેખમાં અમે તમને જગન્નાથ મંદિર સાથે જોડાયેલા 5 રહસ્યો વિશે જણાવવા જઈ રહ્યા છીએ.
મંદિરમાં નથી આવતો દરિયાના મોજાનો અવાજ
જગન્નાથ મંદિરમાં પ્રવેશતા જ સમુદ્રના મોજાનો અવાજ સંભળાતો બંધ થઈ જાય છે અને મંદિરમાંથી બહાર આવતા જ મોજાનો અવાજ ફરી સંભળાવા લાગે છે. કહેવાય છે કે દેવી સુભદ્રાની ઈચ્છા હતી કે જે પણ વ્યક્તિ મંદિરમાં પ્રવેશ કરે તેના મનને શાંતિ મળે.
મંદિરની ઉપરથી નથી ઉડટી ફ્લાઇટ અને પક્ષીઓ
આમ તો સામાન્ય રીતે કોઈપણ મંદિર પરથી પક્ષીઓ, વિમાન ઉડતા જોવા મળે છે. પરંતુ પુરીનું જગન્નાથ મંદિર એકમાત્ર મંદિર છે, જેના ઉપર ન તો પ્લેન ઉડી શકે છે અને ન તો કોઈપણ પ્રકારના પક્ષીઓ.
નથી પડતો મંદિરનો પડછાયો
જગન્નાથ મંદિર સાથે જોડાયેલ વધુ એક રહસ્ય એ છે કે મંદિરનો પડછાયો દેખાતો નથી. જગન્નાથ મંદિર પર સૂર્યપ્રકાશ પડે તો પણ તેનો પડછાયો દેખાતો નથી. આ અદ્ભુત રહસ્ય પાછળનું કારણ હજુ સુધી શોધી શકાયું નથી.
જગન્નાથ મંદિરનું ચક્ર
મંદિરની ટોચ પર એક ચક્ર સ્થાપિત કરવામાં આવેલું છે. આ ચક્રનું વજન લગભગ એક ટન છે. આ ચક્ર સાથે પણ એક રહસ્ય જોડાયેલું છે. જે પણ આ ચક્રને જુએ છે, તેની તરફ આ વળેલું દેખાય છે. કહેવાય છે કે મંદિરનું આ ચક્ર 12મી સદીના લોકોએ સ્થાપિત કર્યું હતું.
પ્રસાદ સંબંધિત રહસ્ય
દર વર્ષે લાખો ભક્તો દર્શન કરવા માટે જગન્નાથ મંદિરે આવે છે. આ ઉપરાંત રથયાત્રા દરમિયાન પણ લાખો ભક્તો આવે છે. આટલી મોટી સંખ્યામાં ભક્તો આવવા છતાં ક્યારેય પ્રસાદની કમી નથી પડતી કે પ્રસાદનો વ્યય પણ થતો નથી.