- મહેમાનોના વેલકમ માટે બેસ્ટ છે આ મીઠાઈ
- બહારની ભેળસેળવાળી મિઠાઈના બદલે બનાવો ઘરે
- કાજુ અને ખાંડથી ફટાફટ બનશે વાનગી
આજે ધનતેરસનો તહેવાર છે અને સાથે જ મિઠાઈ વિના આ તહેવાર અધૂરો છે. જો તમે દિવાળીમાં કાજુકતરીને યાદ ન કરો તો તમને મજા નહીં આવે. કાજુકતરી એક એવી સ્વીટ ડિશ છે જે દરેકને પ્રિય હોય છે. આ એવી સ્વીટ ડિશ છે જે નાના મોટાં દરેકને પસંદ હોય છે.
આ મિઠાઇને લોકો ખાસ કરીને બહારથી ખરીદવાનું પસંદ કરે છે. આજે અહીં ઘરે સરળતાથી અને ઝડપથી કાજુકતરી કઇ રીતે બનાવી શકાય તે સ્ટેપ બાય સ્ટેપ પ્રોસેસથી ફટાફટ જાણો અને ઘરે જ બનાવીને મજા માણો.
સામગ્રી
– સવા કપ કાજુ
– અડધો કપ ખાંડ
-એક કપ દૂધ
બનાવવાની રીત
સૌપ્રથમ કાજૂને દૂધમાં એક કલાક માટે પલાણી રાખો. ત્યાર બાદ તેમાં કેસર નાખીને કાજુને મિક્સરમાં બારીક પીસી લો અને તેની પેસ્ટ બનાવો. ત્યારબાદ ચાસણી બનાવો. ખાંડને 3 ટીસ્પૂન પાણી સાથે મિક્સ કરી ચાસણી બનાવો. ચાસણીમાં કાજુની પેસ્ટને ઉમેરો. તે પાથરી શકાય તે રીતે પેસ્ટ બનાવો. ધીમા ગેસ પર પેસ્ટ બનાવો. પેસ્ટને હાથથી ટેસ્ટ કરી લો કે તે પાથરી શકાય તેવો છે કે નહીં. હવે થાળીમાં ઘી લગાવીને તેમાં પેસ્ટને પાથરી દો. તેનો એક લૂઓ બનાવો અને બટર પેપર પર ઘી લગાવી પેસ્ટને વેલણ પર ઘી લગાવીને હલકા હાથે વણો. પંદર વીસ મીનિટ બાદ તેને તમારા મનપસંદ આકારમાં કાપી લો. તેની પર વરખ લગાવી દો. તૈયાર છે કાજુકતરી.